تحديات جزيرة الكنز
المومياء
فهاد التحدي، المشارك مسجون ونصف محنط، 2 أعضاء من الفريق خاصهم يحلو اللغز قبل ما يتحنط المشارك كليا، وإلا غايبقى مسجون
عامل النظافة
فهاد التحدي، المتسابق خاصو يقلب على قراعي حمرين بحال هادي، يوضعهم فهاد الأنبوب باش يخرج الساروت
ݣاݣارين
مع ڭاڭارين رائد الفضاء، هاد التحدي بحال تدريب في الفضاء والمطلوب من المشارك يحل عملية حسابية ويدخل النتيجة باش ياخد الكود
الهروب الكبير
هاد التحدي يتم في السرداب المتواجد تحت الأرض في جزيرة الكنز، المشارك يعتمد على القوة باش يتعدى مجموعة من العراقيل ويحرر نفسو ويخرج
كرسي الاعتراف
المشارك خاصو يجاوب على أسئلة متعلقة بجزيرة الكنز وهو جالس فكرسي الإعتراف تحت الضغط
المتحف
في المتحف كاين ساروت محروس مزيان ومحضي بجهاز مراقبة وإنذار وإذا المشارك لمس الأرض كيتسد عليه الباب
السجن البحري
السجن المهجور موجود تحت الماء، وكان مسجون فيه بحار عندو الرمز. توفى البحار في السجن وبقى معاه الساروت ولازم على المشارك يغطس باش يلقاه
مهمة بحرية
واجب على المشارك يشعل الفيموجين ويرميها في وسط البرميل. إذا ما طاحتش في البرميل خاص المشارك يسبح باش يوصل للبرميل ويعاود يرمي فيه الشعلة
البنك
المشارك يدخل للبنك خاصو يحل الكوفر باش يدير عملية سرقة، لكن عوض الفلوس ياخد الساروت
التساطيح
حرب السيارات أو سيارات التساطيح، خاص المشارك يسوق السيارة ويسجل أهداف من 1 إلى 5 وبالتتابع
الرودييو
في عالم الدينصورات، المطلوب من المشارك يطلع فوق الدينصور ويستعمل العظم باش يطيح الساروت من فوق الدينصور الي كيتحرك باستمرار
القفص
المشارك كيدخل القفص وكيتحدى صعصع في 3 جولات باستعمال المطرقة خاصو يدخل المسمار قبل صعصع
اكسكاليبر
بحال في قصة الملك آرثر، خاص المشارك يخرج السيف من المكان ديالو ويقطع بيه الحبل باش ياخذ الساروت
مطعم الجزيرة
المشاركين في استضافة الشيف باش ياكلو داكشي الي قدمو لهم في قائمة الطعام ويكملوه
السيرك
المشارك كيتقمص شخصية الساحر وكيلبس الرداء الي فيه بزاف الكرات. خاصو يجمع 4 كرات خضراء ويضعهم في المكان المناسب باش يشعلو كاملين
وكر الأفاعي
كاين بزاف دالثعابين في الوكر والمشارك خاصو يدخل ويلقى الرمز الموجود فبعض الثعابين
