logo jaziratalkanz

الألغاز مول الحكمة

0%

ألغاز مول الحكمة

واجه مول الحكمة واعثر على الإجابات الصحيحة لألغازه.أكمل هذا التحدي بنجاح لتفوز بالعديد من جوائز جزيرة الكنز

1 / 28

حاجيتك على البا

والبا مدور يا ناس

فيه جوج حبال بالقياس

جنابو عود

وكرشو جلود

2 / 28

 حاجيتك على اللي مبدية بالطا

والطا ما تكساب الكرش

وعاطياها غير للدوران

واخا خلقها ربي غير باش تاكل الطعام

3 / 28

حاجيتك على السين

والسين من الحديد

الوقت يشبهوه بيه

والفارس مايسوا والو بلا بيه

4 / 28

فكل دار تجبروني

من العافية غير بعدوني

ومع الما ماتقدرو تخلطوني

5 / 28

 حجرتي حجرة نقية

من الارض ولا البحر جاية

الطعام باسل بلا بيا

والزين والبها كايتكنى بيا

6 / 28

لوني لون الصفاوة٫

بيا تطفا العداوة٫

أنا والتمر خاوة٫

ومعايا الدري الصغير يكبر ويداوى

7 / 28

نلاقي جوج فالحلال٫

يلبسوني نسا ورجال٫

دهب ولا نقرة٫

موروت وعادة من هادي أجيال

8 / 28

تشهاني وما تقد عليا٫

النور والبها من ضي عينيا٫

ندوز النهار فالعلالي٫

ونروح للدار فالعشية

9 / 28

صاحبنا زربان٫

هو والحديث عشران

شابع ومولف الدوران

يبات مكسي ويصبح عريان

10 / 28

حاجيتك على الكاف

والكاف باهية من حجر

ماهي نقرة .. ماهي صخر

الكاف عزيزة على كل مرا

وتزيد فالعين نضرة

11 / 28

حاجيتك على الجيم

والجيم مذكر

كايضرنا كاملين

وماعمر شي حد فينا شافو

12 / 28

حاجيتك على اخت خالتك

وماشي خالتك

شكون تكون

13 / 28

 

حاجيتك على اللي تولد اليوم،

البارح ماكانش وغدا غايموت

14 / 28

حاجيتك على ولد الما

وإلى  خليناه فالما كايموت

15 / 28

 حاجيتك على الميم،

والميم كاتشوف كلشي

والعينين ماتكسابشي

16 / 28

حاجيتك على الصاد

والصاد زينها طريف

وولادها يتهزو فكل ريف

17 / 28

حاجيتك على الواو

والواو غار فوقو غارين

فوقو نورين

 فوقو غابة

18 / 28

حاجيتك على الميم،

والميم كلها سنان

مرة مدورة ومرة طويلة

وماعندهاش مع العضان

19 / 28

حاجيتك على الحا

والحا حمرا فالبنات

وخضرا فالنبات

ومن الجنة جات

20 / 28

حاجيتك على اللي كرشو عود

وظهرو عود

وجنابو جلود

وفمو فجهنم ممدود

21 / 28

حاجيتك على البا

 والبا حامل ومحمول

من الفوق يابس

ومن التحت مبلول

22 / 28

حاجيتك على الواو،

والواو الابرة هي قياسو

الناس تتهرب من البلا

وهو عاملو عمامة فوق راسو

23 / 28

بغلافي وماني سرير

بوراقي وماني شجرة

جبت خبار وعلم القدام

أنا غدا للعقل وكنتكل بلا فم

24 / 28

كنهضر كاع اللسون

ومني شحال من لون

حتى قسم بيا ما يكون

وراسي محني ومغبون

25 / 28

حاجيتك ما جيتك على الجيم

والجيم من جيل لجيل

الجيم زي جميل

مسلكها واحد ومخارجها ثلاتة

26 / 28

حاجيتك على الشين

والشين انواع

عبلة بيه تباهات وتشهرات

قبل ما يولي يتصاوب فالصالونات

27 / 28

حاجيتك على الواو

والواو تزينو بيه النسا زمان

وولا اليوم موضة فشلا بلدان

البارح كان فالخضر، واليوم ولى فاللوان

28 / 28

حاجيتك على الكاف

والكاف اشكال

عندها عائلة

من القدم للطاولة

درجاتك هي

متوسط النتيجة هو 11%

0%